Saturday , December 16 2017
Home / தொழில்நுட்பம் / ரிலையன்ஸ் டிஜிட்டலில் புதிய ஐபோன் வாங்குவோருக்கு சலுகைகள் அறிவிக்கப்பட்டுள்ளது.

ரிலையன்ஸ் டிஜிட்டலில் புதிய ஐபோன் வாங்குவோருக்கு சலுகைகள் அறிவிக்கப்பட்டுள்ளது.

ரிலையன்ஸ் டிஜிட்டல் மூலம் ஐபோன் 8, ஐபோன் பிளஸ் ஸ்மார்ட்போன்களை வாங்குவோருக்கு 70 சதவிகிதம் பைபேக் சலுகை வழங்கப்படும் என அறிவிக்கப்பட்டுள்ளது. ஒரு ஆண்டிற்கு பின் ஐபோனினை திரும்பி வழங்குவோருக்கு பைபேக் சலுகை வழங்கப்படுகிறது.

செப்டம்பர் 22-ம் தேதி முதல் ஐபோன் 8 மற்றும் ஐபோன் 8 பிளஸ் முன்பதிவு துவங்கியது. இந்நிலையில், வாடிக்கையாளர்கள் ரிலையன்ஸ் டிஜிட்டல், அமேசான், ஜியோ அதிகாரப்பூர்வ வலைத்தளம் மற்றும் ஜியோ ஸ்டோரில் இருந்து முன்பதிவு செய்து சலுகைககளை பெற முடியும்.

ஐபோன் X முன்பதிவு அக்டோபர் 27-ம் தேதி துவங்குகிறது. இதன் விற்பனை நவம்பர் 2-ம் தேதி முதல் துவங்குகிறது. ஐபோன் 8 சீரிஸ் ஸ்மார்ட்போன்களுக்கென பிரத்தியேக சலுகைகளை ரிலையன்ஸ் ஜியோ அறிவித்துள்ளது. அதன்படி ரூ.799 செலுத்தி மாதம் 90 ஜிபி டேட்டா போஸ்ட்பெயிட் வாடிக்கையாளர்களுக்கு வழங்கப்படுகிறது.

தினமும் 3ஜிபி அதிவேக டேட்டா மட்டுமின்றி இலவச வாய்ஸ் கால், எஸ்எம்எஸ் மற்றும் ஜியோ செயலிகளை பயன்படுத்தும் சந்தா உள்ளிட்டவை வழங்கப்படுகிறது. இதே போல் ரூ.799 திட்டம் பிரீபெயிட் வாடிக்கையாளர்களுக்கும் வழங்கப்படுகிறது. இதன் வேலிடிட்டி 28 நாட்கள் ஆகும்.

செப்டம்பர் 29-ம் தேதி முன்பதிவு செய்யும் வாடிக்கையாளர்கள், சிட்டி பேங்க் கிரெடிட் கார்டு கொண்டு பணம் செலுத்தும் போது ரூ.10,000 வரை கேஷ்பேக் வழங்கப்படுகிறது.

ஐபோன் 8, ஐபோன் 8 பிளஸ் மற்றும் ஐபோன் X ஸ்மார்ட்போன்கள் செப்டம்பர் 12-ம் தேதி நடைபெற்ற விழாவில் அறிமுகம் செய்யப்பட்டன. இதில் ஐபோன் X ஸ்மார்ட்போன் ஐபோன்களின் பத்தாவது ஆண்டு விழாவை சிறப்பிக்கும் வகையில் வெளியிடப்பட்டது. ஐபோன் 10 அல்லது ஐபோன் X ஸ்மார்ட்போன் ஆப்பிள் வர்த்தகர்களிடம் ரூ.89,000 விலையில் விற்பனை செய்யப்பட இருக்கிறது.

Check Also

கூகுள் பயன்படுத்துவோருக்கு, மறதி நோய் அபாயம்: நிபுணர் எச்சரிக்கை..

சர்வதேச அளவில் ‘டிமென்சியா’ எனப்படும் மறதி நோயால் 4 கோடியே 70 லட்சம் பேர் பாதிக்கப்பட்டுள்ளதாக உலக சுகாதார நிறுவனம் …

Leave a Reply

Your email address will not be published. Required fields are marked *

error: Content is protected!